Nýggj pantskipan
Ein einfald skipan
Sum áður, men betri
Alt á einum og
sama stað
Nýggja skipanin
- Ein pantskipan til allar Føroyar
- Einfaldari at skilja íløt
- Lættari at skráseta nýggj íløt
- Umhvørvið og brúkarin verða sett í fremstu røð
- Lættari at leggja vørubólkar afturat pantskipanini
Hesum er pant á
Vit hava víðkað pantskipanina.
Nú taka vit eisini ímóti fløskum við djúsi, smoothies, proteindrykkjum og likørum.
Hesum er einki pant á
Sumt kann, hóast einki pant er á, framvegis latast inn til endurnýtslu.
Lætt at minnast
Útgjaldið er deilt í tveir bólkar, meira og minni enn 50 cl.
Minni enn 50 cl gevur 2 kr. í panti.
Meira enn 50 cl gevur 4 kr. í panti.
Pant er endurvinning
Tá tú letur pant innaftur, ert tú við til at tryggja, at tilfarið verður endurvunnið og brúkt av nýggjum. Tú sparir bæði orku og rávørur og ger mun fyri umhvørvið.
Gott fyri umhvørvið
Tá tú pantar, hjálpir tú at minka um dálking og verjir náttúruna. Minni burturkast endar í náttúruni, og vit ansa upp á jørðina, vit liva á.
Minni burturkast
Pantskipanin ger tað lætt at lata íløt fara aftur í skipanina í staðin fyri at enda sum rusk. Tí minni burturkast vit hava, tess reinari verður okkara umhvørvið.
Tilfeingi í ringrás
Tá íløt verða endurnýtt, heldur enn brend, verða tey partur av einari ringrás. Tilfarið verður savnað, viðgjørt og brúkt aftur og aftur. Hetta kalla vit ringbúskapur.
Ofta spurdir spurningar
Kann eg panta alt?
Tú kanst fáa pant fyri øll einnýtisíløt, sum hava føroyskt pantmerki og eina strikukotu, ið automaturin kann lesa. Hetta fevnir um góðkendar fløskur og dósir við til dømis sodavatni, vatni, øli, djúsi, saft, víni, brennivíni, smoothies og proteindrykkjum. Mjólkarpakkar, pappíløt, glaskrukkur, sápuíløt og íløt uttan lesiligt pantmerki geva ikki pant, hóast summi teirra kunnu latast til aðra endurnýtslu.
Hvussu nógv fái eg í pant?
Pantvirðið verður ásett eftir støddini á ílatinum. Íløt, sum rúma minni enn 50 cl, geva 2 krónur í panti, meðan íløt, sum rúma 50 cl ella meira, geva 4 krónur. Pantautomaturin lesur pantmerkið og strikukotuna og skrásetir virðið sjálvvirkandi. Tá tú ert liðug ella liðugur at lata inn, fært tú eina kvittan við samlaða pantvirðinum, sum kann avgreiðast har, ið pantstaðið hevur ásett.
Skal ílatið vera heilt?
Ílatið skal vera so heilt, at pantautomaturin kann kenna skap, pantmerki og strikukotu. Lat tað vera tómt og kleim tað ikki flatt, tí eitt nógv kroyst ella brotið ílat kann vera torført at lesa. Vanlig smá merki eftir nýtslu gera vanliga einki, men strikukotan og pantmerkið mugu vera sjónlig. Lokið kann sita á, um ílatið annars er tómt og reint nokk til trygga handfaring.
Hvar kann eg lata pant inn?
Á kortinum niðanfyri sært tú allar skrásettar pantstøðir kring landið. Tú kanst leita eftir navni, bústaði, postnummari ella bygd og velja eitt kort fyri at finna støðina á kortinum. Pant kann latast inn á teimum støðum, sum eru skrásett í yvirlitinum, uttan mun til hvar í Føroyum ílatið er keypt. Upplýsingarnar verða dagførdar úr skipanini hjá IRF PANT, tá nýggj støð koma afturat ella broytast.
Nær byrjar nýggja pantskipanin?
Nýggja føroyska pantskipanin byrjar 1. september 2026. Frá hesum degi verður nýggja pantmerkið og felags skipanin galdandi fyri góðkend einnýtisíløt. Handlar, innflytarar og framleiðarar fáa eina greiðari skráseting, og brúkarin kann lata góðkend pantíløt inn á skrásettum pantstøðum kring landið. Fram til byrjanina verða pantstøðir, tøkniligar skipanir og upplýsingarnar um góðkend íløt gjørdar klárar, so skiftið kann fara fram so einfalt sum gjørligt.
Hvat geri eg, um pantmerkið á ílatinum ikki kann lesast?
Royn fyrst at venda ílatinum, so pantmerkið og strikukotan venda rætt móti lesaranum, og kanna at ílatið ikki er kroyst ella vátt júst omaná kotuni. Pantautomaturin má kunna staðfesta bæði merkið og skrásetingina, áðrenn pant kann verða goldið. Kann merkið framvegis ikki lesast, gevur ílatið ikki pant í automatinum. Tú kanst tá spyrja starvsfólkið á pantstaðnum um rætta skiljing ella lata tilfarið til viðkomandi endurnýtslu.
Slepp av við íløt
Pantstøðir kring landið
Áður mátti mann renna runt millum ymisk støð við tómum fløskum. Tómar øl einastaðni, tómar sodavatn eina aðrastaðni. Hetta er ein farin tíð. Nú kanst tú sleppa av við alt á einum og sama stað. Sama hvar í landinum hetta er keypt.
Kortið verður lisið inn…